Праграмы для студэнтаў: навучанне ў ЗША і Германіі. Дедлайны 15 і 20 снежня!

Праграма Global UGRAD прапануе беларускім студэнт_кам поўнае фінансаванне для атрымання досведу навучання ў амерыканскім універсітэце на працягу аднаго семестра. Узяць удзел могуць студэнт_кі дзённай формы навучання 1–2 курсаў (4-гадовыя праграмы) і 1–3 курсаў (5-гадовыя праграмы) з беларускім грамадзянствам, якія навучаюцца ў беларускіх ці замежных ВНУ. Дэдлайн заявак: 15 снежня. Поўная інфармацыя на сайце праграмы

Праграма International Excellence Scholarship (IES) — магчымасць для студэнт_ак правесці адзін ці два семестры ў Берліне. Праграма ўключае навучанне, стажыроўку, валанцёрства і падарожжы па Германіі для знаёмства з культурай і мовай. Можна атрымаць поўную ці частковую стыпендыю на пакрыццё выдаткаў. Для ўдзелу трэба ведаць англійскую ці нямецкую на ўзроўні B1. Заяўкі прымаюцца да 20 снежня.