Вышаградскія гранты для арганізацый краін Усходняга партнёрства
Фонд падтрымлівае праекты арганізацый ў рэгіёне Усходняга партнёрства або Заходніх Балкан. Максімальная працягласць рэалізацыі праекта складае 18 месяцаў. Гранты пакрываюць да 100% бюджэту праекта з максімум 15% ад запытанай сумы на накладныя выдаткі. Дэдлайн падачы заявак — 1 чэрвеня.
Фінансуецца шырокі спектр мерапрыемстваў ва ўсіх сферах жыцця. Ад невялікіх трансгранічных праектаў, накіраваных на паляпшэнне ўзаемаразумення ў прыгранічных раёнах, да шматбаковых ініцыятыў, якія могуць прынесці карысць людзям ва ўсім рэгіёне:
- Культура і агульная ідэнтычнасць. Фонд падтрымлівае праекты, якія ўмацоўваюць рэгіянальную і еўрапейскую ідэнтычнасць праз агульныя культурныя ініцыятывы ў Вышаградскім рэгіёне.
- Адукацыя і нарошчванне патэнцыялу.Падтрымліваюцца праекты, якія падвышаюць канкурэнтаздольнасць рэгіёна Цэнтральнай і Усходняй Еўропы за кошт паляпшэння навыкаў грамадзян.
- Дэмакратычныя каштоўнасці і СМІ. Падтрымліваюцца праекты, якія прасоўваюць дэмакратычныя каштоўнасці, падтрымліваюць правы чалавека і меншасці, спрыяюць развіццю грамадзянскай супольнасці, умацоўваюць свабоду СМІ і доступ да інфармацыі.
- Рэгіянальнае развіццё, Навакольнае асяроддзе, Турызм. Фонд падтрымлівае праекты, якія прасоўваюць стратэгіі экалагічна ўстойлівага рэгіянальнага развіцця і турызму.