Адкрыты прыём творчых прац па квір культуры
Новая арт-магчымасць для ЛГБТК+ людзей з Беларусі, як унутры краіны, так і за яе межамі.
Апганзатары запрашаюць падзяліцца сваёй гісторыяй аб тым, як вы спраўляецеся ў гэтыя няпростыя часы, што вас падтрымлівае і ў чым вы бачыце сваю апору. Працы бцдуць апублікаваныя ў квір-зіне “Паміж”!
Навошта?
Беларусь застаецца месцам, дзе быць ЛГБТК+ чалавекам – значыць штодня рызыкаваць. “Гэты зін – пра бачнасць, падтрымку і клопат. Пра тое, як мы – нягледзячы на страх і адзіноту – знаходзім спосабы заставацца сабой. Гэта будзе архіў нашай сілы і ўразлівасці, нашай узаемадапамогі, унутранай устойлівасці і паўсядзённых практык супраціву. З дапамогай яго мы хочам падтрымаць нашу супольнасць, каб ніхто не адчуваў сябе самотна ў сваім досведзе і маглі абаперціся на досвед іншых. Мы хочам, каб нашыя гісторыі захоўваліся і гучалі”
Што збіраюць арганізатары?
Работы могуць быць як тэкставыя (асабістыя гісторыі/вершы), так і візуальныя ў любым фармаце: ілюстрацыі, калажы, паэзія, фота, вышыўка, 3D – любыя формы творчага выразу.
Раскажыце з дапамогай сваёй працы, як вы ментальна трымаецеся і спраўляецеся з цяжкасцямі, захоўваеце ўнутраную сілу і знаходзіце рэсурсы для падтрымкі сябе і іншых. Падзяліцеся сваім досведам перажывання рэпрэсій, дыскрымінацыі і гвалту. Магчыма, вы былі вымушаныя з’ехаць? Раскажыце аб сваёй міграцыі: страце, пошуку бяспекі ці пачатку новага жыцця. Мы хочам, каб Зін быў напоўнены салідарнасцю, клопатам ці гісторыямі пра самавылячэнне, але таксама раскажам і пра адзіноту, нябачнасць і ўнутраную барацьбу. Калі вам адгукаецца гэтая тэма – смела падавайце сваю працу!
Як удзельнічаць? Запоўніць форму ў апісанні профіля і прымацаваць свой матэрыял. Ад аднаго чалавека мы прымаем толькі 1-2 працы! Будзе выдатна, калі тэкставыя працы не будуць перавышаць адну старонку А4 (14 шрыфтам).
Хто можа ўдзельнічаць?
Квір-людзі з Беларусі – дзе б вы зараз ні знаходзіліся
Дэдлайн падачы: 01/09/2025 23:59
Ваша бяспека – наш прыярытэт. У зiне можна ўдзельнічаць ананімна, і ніводная гісторыя не будзе апублікаваная без вашай згоды.
Хутка мы таксама анансуем: анлайн-воркшоп для людзей з Беларусі і два афлайн-варкшопы для квір-беларус:ок у Вільні і Варшаве. Рэгістрацыя на воркшопы будзе анансаваная асобна.
Гэты зін – пра жыццё паміж страхам і надзеяй, паміж краінамі, паміж ідэнтычнасцю. Гэта пра голас, які гаворыць нават у цішыні, і пра супраціўленне, якое існуе, нават калі яго не відаць.