Распачаўся набор у Базавую школу па правах чалавека ў Празе
Беларуская Праваабарончая Школа ў партнёрстве з CEELI Institute пачалі набор удзельнікаў і ўдзельніц на Базавую школу па правах чалавека.
Для каго Школа
Да ўдзелу ў праграме запрашаюцца маладыя беларусы і беларускі ва ўзросце ад 18 да 35 гадоў, незалежна ад іх месца актуальнага пражывання, якія зацікаўленыя ў набыцці ведаў у галіне правоў чалавека.
! У сувязі з лагістычнымі асаблівасцямі, удзел у праграме магчымы для тых, хто ўжо або знаходзіцца ў ЕС або мае дзеючую візу, якая дазваляе перабываць на яго тэрыторыі.
Група будзе сфармавана з 20–22 удзельнікаў на конкурснай аснове.
(пры наяўнасці высокай матывацыі і рэкамендацый узроставыя межы могуць быць пашырыныя па рашэнні арганізатараў_к праграмы).
На працягу 5 дзён вас чакае інтэнсіўнае навучанне праз лекцыі, семінары, воркшопы, форум-тэатр, відэа-лекцыі, ЛАРПы і іншыя інтэрактыўныя адукацыйныя фарматы.
Плануемыя тэмы школы:
- Уводзіны ў канцэпцыю правоў чалавека.
- Роўнасць і недыскрымінацыя.
- Нацыянальныя і міжнародныя механізмы абароны правоў чалавека.
- Права на жыццё і праблема смяротнага пакарання.
- Мова варожасці ў кантэксце свабоды слова.
- І шмат іншых! Канчатковая праграма будзе сфармавана з улікам заявак кандыдатаў_к на ўдзел.
У вас таксама будзе магчымасць распрацаваць уласны праект, скіраваны на прасоўванне і абарону правоў чалавека.
Удзел бясплатны, праезд, пражыванне, харчаванне, матэрыялы для навучання. Візавая падтрымка не аказваецца.
Дэдлайн: 29 снежня 2025 года.
Дзе: Прага, Чэхія.
Калі: 2–6 лютага 2026 года.