Вэбінар па лічбавых інфакампаніях і адвакацыі
Вы з моладзевай арганізацыі і займаецеся адвакацыяй, але вашыя паведамленні не даходзяць да патрэбнай аўдыторыі, медыя маўчаць, а рашэнні прымаюцца без вас? Гэты вэбінар — пра тое, як гэта змяніць. “РАДА” запрашае!
Пра што пагаворым?
Вы даведаецеся, як будаваць камунікацыю вакол адвакацыйных мэт, ствараць лічбавыя інфакампаніі, якія сапраўды працуюць, і як наладжваць партнёрствы з медыя. Абмяркуем рэальныя кейсы з нашага рэгіёна.
Для каго?
Вэбінар адкрыты для прадстаўнікоў_ніц нацыянальных моладзевых саветаў, моладзевых арганізацый і актывістаў_ак з Арменіі, Малдовы, Украіны і Беларусі.
Хто спікерка?
Валерыя Нікалайчык — спецыялістка па стратэгічных камунікацыях з 10-гадовым вопытам. Запускала анімаваны кантэнт з мільённым праглядам, трэніравала актывістаў_ак і НДА па ўсім рэгіёне, у тым ліку тых, што працуюць ва ўмовах высокай рызыкі.
Калі: 26 чэрвеня (пятніца) у 12:00 па варшаўскім часе.
Працоўная мова: англійская
Колькасць месцаў абмежаваная!