Гарадскі актывізм: ад ідэі да зменаў

Ваш горад, раён, двор ці парк – гэта не проста фон паўсядзённага жыцця, а прастора, дзе кожны дзень нехта прымае рашэнні за вас. Гэты курс – пра тое, як прайсці шлях ад "нешта тут не так" да рэальнай змены: убачыць праблему сістэмна, сабраць доказы, дабіцца адказу па сутнасці замест адпіскі, вырашыць гарадскую праблему і не выгарэць па дарозе.

Курс складаецца з 3 модуляў. У кожным вы знойдзеце відэалекцыю, разгорнуты канспект, прэзентацыю, дадатковыя матэрыялы, а таксама тэст для самаправеркі.

Асобным блокам стаць тэма штучнага інтэлекта як інструмента актывіста: разабрацца ў нарматыве, апрацаваць апытанне, падрыхтаваць зварот адразу пад некалькі адрасатаў, патрэніравацца перад цяжкай размовай. Пры гэтым ШІ ўзмацняе вашу працу, а не падмяняе вашу адказнасць за факты і канчатковыя словы.

Гэты курс можа быць асабліва карысны:

• актывістам і актывісткам, якіх кранае канкрэтная гарадская праблема;
• тым, хто ўжо пісаў звароты ці збіраў подпісы і сутыкаўся з адпіскамі ці выгараннем альбо толькі хоча пачаць гэта рабіць;
• людзям, якія дзейнічаюць "ціха" – у Беларусі без публічнасці або з-за мяжы;
• усім, хто хоча навучыцца выкарыстоўваць ШІ як інструмент, які дапамагае ў вырашэнні гарадскіх праблемаў.

Пасля праходжання курса вы будзеце ўмець ператвараць "мне здаецца" ў задакументаваны доказ, будаваць адвокасі-стратэгію і наратыў пад розныя аўдыторыі, карыстацца афіцыйнымі механізмамі ўдзелу, і мець уласны набор ШІ-промтаў для даследавання, камунікацыі і навучання.

Як праходзіць курс

Курс адкрыты цалкам, глядзець можна ў любы час, у сваім тэмпе.

• Крок 1. Глядзіце відэапрэзентацыю.
• Крок 2. Паглыбляецеся ў тэму – вывучаеце прэзентацыю і канспект.
• Крок 3. Прымяняеце новыя веды – выконваеце практычнае заданне ўрока.
• Крок 4. Праходзіце тэст для самаправеркі.

Усе матэрыялы курса можна спампаваць і карыстацца імі ў далейшай працы над сваёй ініцыятывай ці вырашэннем канкрэтнай гарадской праблемы.