Прыём заявак на прэмію Наталлі Арсенневай ад Беларускага ПЭНу і Міжнароднага саюзу беларускіх пісьменнікаў 

Да ўдзелу запрашаюцца аўтары і аўтаркі паэтычных кніг, выдадзеных у 2025 годзе. Прэмія – магчымасць сустрэцца з чытачамі, калегамі і крытыкамі і паказаць сучасную беларускую паэзію ў яе поўнай разнастайнасці. 

Умовы конкурсу:

• Правам намінавання валодаюць самі аўтары/аўтаркі паэтычных кніг, выдавецтвы, сябры журы, сябры аргкамітэта, творчыя аб’яднанні, культурніцкія інстытуцыі, СМІ.
• Жанр: паэзія.
• Год выдання: кніга мусіць быць выдадзена ў папяровым або электронным выглядзе або ў фармаце аўдыякнігі паміж 1 студзеня і 31 снежня 2025 года.
• Мова: беларуская.
• Фармат: кніга мусіць быць выдадзена ўпершыню ў папяровым або электронным выглядзе або ў фармаце аўдыякнігі (выдадзенай упершыню лічыцца кніга, палова і больш за палову зместу якой публікуецца ў кнізе ўпершыню).
• Калі кніга выйшла паміж 1 студзеня і 31 снежня каляндарнага года, для якога быў абвешчаны конкурс, але з нейкай прычыны не ўдзельнічала ў ім, яна можа заяўлена на ўдзел у наступным каляндарным годзе.

Канчатковы тэрмін падачы заявак – да 23:59 22 лютага 2026 года.

Падрабязнасці ўдзелу

Больш падрабязнасцяў шукайце на нашым сайце: penbelarus.org