Рабі смела! Living Library edition
Іншыя запрашаюць на адукацыйную праграму для маладых беларус_ак у Вільнюсе (Літва), якія пачынаюць свой шлях у актывізме. базавыя веды актывізму, навыкі арганізацыі мерапрыемстваў, практычны досвед правядзення Жывых Бібліятэк, каманду аднадумцаў і ментарства. Дэдлайн падачы: 16 чэрвеня.
Праграма дасць базавыя веды і навыкі па тэмах:
- Што такое актывізм і як ён працуе
- Як планаваць і праводзіць мерапрыемствы
- Як працаваць у камандзе
- Як змагацца са стэрэатыпамі
Практычны досвед
- Падрыхтоўка і правядзенне Жывых Бібліятэк
- Праца ў сяброўскай камандзе
- Развіцце арганізатарскіх навыкаў
- Камунікацыйныя навыкі
Новыя сувязі
- Знаёмства з маладымі актыўнымі беларус_камі
- Ментарства ад дасведчаных актывіст_ак
- Супольнасць для далейшай працы
Расклад:
- трохдзённы трэнінг у Вільнюсе (4–6 ліпеня);
- адукацыйныя сэсіі, ментарства, падрыхтоўка да Жывых Бібліятэк (ліпень-жнівень) і іх правядзенне (жнівень-кастрычнік);
- фінальная сустрэча (кастрычнік). Арганізатары забяспечваюць харчаванне, магчыма ўдзельнічаць з дзецьмі.
Удзел ва ўсіх этапах праграмы абавязковы.
Мова мерапрыемстваў: беларуская, расейская
Гэта не проста праграма, а пачатак шляху ў актывізме! Мы ствараем ініцыятыўную каманду маладых беларус_ак, якія будуць разам змяняць наратывы і разбураць стэрэатыпы. Гэты супольны шлях у асновы актывізму вы пройдзеце на прыкладзе міжнароднага фармату “Жывая Бібліятэка” пры падтрымцы дасведчаных ментар_ак.
Жывая Бібліятэка — гэта мерапрыемства, дзе сустракаюцца: Кнігі – Людзі, якія маюць пэўную ідэнтычнасць, рэдкую прафесію, унікальны досвед, незвычайны для “большасці” лад жыцця альбо светапогляд.
І Чытачы – Удзельні_цы мерапрыемства, якія хочуць даведацца больш пра розных людзей. Чытачы прыходзяць, рэгіструюцца, атрымліваюць картку чытача і ідуць запісвацца да тых Кніг, якія іх цікавяць.
Жывая Бібліятэка — гэта месца для шчырага дыялогу з Іншымі. Яна дапамагае асэнсаваць і пераасэнсаваць стэрэатыпы грамадства і змагацца з дыскрымінацыяй.