Прыём заявак на New European Bauhaus Festival 2026
Еўрапейская камісія запрашае творцаў і ініцыятывы, якія ствараюць устойлівыя, прыгожыя і інклюзіўныя прасторы, далучыцца да фестывалю NEB 2026. Ён пройдзе з 9 па 13 чэрвеня 2026 у Бруселі і анлайн.
Фестываль аб’ядноўвае:
- Forum — дыскусіі і абмен ідэямі
- Fair — выстава і лабараторыя праектаў
- Fest — мастацкія і культурныя падзеі
- Satellite events — спадарожныя імпрэзы па ўсёй Еўропе.
FAIR — вялікая выстава і лабараторыя ў Бруселі
дзе прадстаўляюцца праекты і ідэі, якія спалучаюць устойлівасць, эстэтыку і інклюзію. Паказ прататыпаў, дызайн-рашэнняў, даследаванняў, крэатыўных праектаў.
Чакаюць праекты з архітэктуры, урбаністыкі, дызайну, адукацыі, фатаграфіі, кіно, культурнай спадчыны, інавацый, супольніцкіх ініцыятыў.
Крытэрыі:
- Праект павінен дэманстраваць сувязь з NEB-вартасцямі (эстэтыка, устойлівасць, інклюзія)
- Пажадана: прыналежнасць да NEB супольнасці (NEB Prize, NEB Partner, EU funding)
- Праект павінен быць гатовы да прэзентацыі ў чэрвені 2026 у Бруселі
Прапануецца: аплата выдаткаў на паездку + фіксаваная кампенсацыя.
Дэдлайн: 30 верасня.
FEST — мастацкая праграма NEB Festival:
музыка, тэатр, танец, перформансы, выставы, pop-up фарматы, work-in-progress, майстар-класы, удзел грамадзян.
Чакаюць праекты, што працуюць з гарадской прасторай, людзьмі і пераўтварэннямі.
Крытэрыі:
- Твор павінен адпавядаць вартасцям NEB (устойлівасць, інклюзія, эстэтыка)
- Фармат — жывое выступленне або анлайн/гібрыдны ўдзел
Прапануецца: аплата выдаткаў на паездку + фіксаваная кампенсацыя.
Дэдлайн: 30 верасня.
SATELLITE EVENTS | Спадарожныя падзеі па ўсім свеце
Платформа для вашай уласнай падзеі (анлайн або афлайн) у рамках фестывалю NEB — у вашай краіне ці рэгіёне.
Гэта можа быць выстава, лекцыя, сустрэча, форум, варкшоп, арт-праект, ці нават супольны пікнік. Падзея мусіць адбыцца паміж 8-14 чэрвеня 2026.
Крытэрыі:
- Удзел супольнасцяў, інклюзіўнасць, эстэтыка
- Тэматыка — прырода, прыналежнасць, гарады, будучыня, індустрыя, крэатыўнасць.
Прапануецца: магчымасць трапіць на мапу фестывалю, атрымаць прасоўванне и правесці анлайн-трансляцыю праз платформу NEB.
Дэдлайн: 31 снежня. Даведацца больш
Па матэрыялах sekktor y Telegram | sekktor.online