OPEN CALL: ГЛАСАРЫЙ БЕЛАРУСКАГА ФЕМІНІЗМУ
Дэдлайн 15 снежня. Ганарар: 150 еўра (брута).
Каманда праекта Women in Tech Academic запускае Гласарый беларускага фемінізму — анлайн-прастору, якая аб’яднае галасы розных фемініст_к і распавядзе пра паняцці, імёны, канцэпцыі, плыні і тэндэнцыі праз прызму беларускага кантэксту.
Для рэалізацыі гэтай ідэі мы шукаем аўтар_к для нашай платформы, якія зацікаўленыя распавесці пра цэнтральныя фемінісцкія паняцці ў межах беларускага кантэксту.
Чаму гэта важна?
Беларускі кантэкст мае свае асаблівасці, і часта агульныя паняцці гендарнай тэорыі не цалкам падыходзяць для апісання беларускай сітуацыі. Гэтыя паняцці нярэдка патрабуюць удакладнення і адаптацыі пад беларускую рэчаіснасць. Гісторыя беларускага фемінізму насычана прабеламі, нябачнымі высілкамі і разарванымі сувязямі. Нам хочацца даць магчымасць праз гласарый паказаць, які вялікі шлях прайшлі беларускія фемінізмы.
Гласарый – гэта сетка, якая дапамагае лепш асэнсаваць структурныя праблемы няроўнасці, выключэння і дыскрымінацыі, а таксама аб’ядноўвае розныя галасы актывiста_к, даследчы_ц i iнш.
Мы аб’яўляем open-call на наступныя блокі гласарыя:
- Клас і гендар
- Віды гвалту (гендарны, рэпрадуктыўны, структурны, тэмпаральны, фізічны, эканамічны, сацыяльны, сімвалічны)
- Дэкаланіяльнасць, посткаланіяльнасць, антыкаланіяльнасць
- Калектыўнасць і салідарнасць
Каго мы запрашаем?
Мы запрашаем гендарных даследчы_ц, журналіст_к, фемініст_к і ЛГБТК+ актывіст_к, якія пражываюць у любой геаграфічнай кропцы, але звязаны з беларускім кантэкстам і Беларуссю.
Як узяць удзел?
Мы чакаем вашых заявак на email: femschool.belarus@gmail.com
Заяўкi павінны ўключаць:
- Назву тэрміна ці канцэпцыі
- Кароткае апісанне (да 150 слоў)
- Кароткае біяграфічнае апісанне