Як размясціць фандрайзінгавую заяўку на платформе BYSOL
Фонд BYSOL прапануе магчымасць для ініцыятываў, праектаў, арганізацый, актывістаў/-к падаваць заяўкі на размяшчэнне фандрайзінгавых кампаній на сваёй платформе
Што зараз магчыма:
- Размяшчэнне збору на платформе BYSOL
- Падтрымка ў распрацоўцы медыякампаніі і рэкламы
- Празрысты працэс правядзення збору.
Новы рэгламент робіць працэс больш празрыстым і зразумелым для ўсіх, хто працуе на карысць грамадзянскай супольнасці.
Якія асноўныя змены былі ўнесены:
— Сістэма ацэнкі. Пасля запаўнення формы, якая апісвае канцэпцыю праекта, наш спецыяліст аналізуе праект згодна з нашай сістэмай ацэнкі (падрабязней пра яе ў рэгламенце). Сістэма дапамагае нам паўнавартасна ацаніць праект і даць рэкамендацыі, якія дапамогуць палепшыць і паскорыць працэс збору грошай на нашай платформе.
— Збор на ініцыятывы працягваецца 90 дзён. Усе персанальныя зборы разлічаныя на 60 дзён знаходжання на сайце ад моманту публікацыі, мы працягнулі гэты тэрмін да 90 дзён для ініцыятыў — з магчымасцю падаўжэння на 90 дзён, калі паўстае такая неабходнасць.
— Персаналізаваны падыход. Акрамя публікацыі збору, у нас ёсць магчымасць падаць кансультацыю наконт правядзення медыякампаніі і рэкламы вашага збору, паколькі гэта неабходны інструмент у пошуку сродкаў.
Больш падрабязна аб працэсе падачы заяўкі, публікацыі збору і яго завяршэнні можна даведацца ў рэгламенце.
Што важна ведаць:
- Разгляд заявак займае ў сярэднім 1-7 дзён.
- Заяўкі ацэньваюцца па 5-бальнай шкале. Да публікацыі дапускаюцца праекты з вынікам ад 4 балаў.
- Ініцыятыва абавязана забяспечваць празрыстасць выкарыстання сродкаў і рэгулярную камунікацыю з донарамі.
- Збор можа быць спынены пры сур’ёзных парушэннях.
Падаць заяўку
За анонс дзякуй http://sekktor.online/