Арганізацыйная падтрымка БНМС “РАДА” 

Праграма арганізацыйнай падтрымкі Беларускага нацыянальнага моладзевага савета “РАДА” прызначана для аказання дапамогі прадстаўнікам_цам моладзевых арганізацый і ініцыятыў, актывістам_кам моладзевага сектара. 

Для каго праграма:

для беларускіх моладзевых арганізацый/ініцыятыў, якія дагэтуль неафіцыйна працуюць у Беларусі  і таксама для арганізацый, якія былі вымушаныя усёй камандай/яе часткай рэлацыравацца з Беларусі з-за палітычна матываваных пераследаў (або іх пагрозы).

Падтрымка можа складацца з кампенсацыі:

• экспертных кансультацый, якія падвышаюць арганізацыйны патэнцыял арганізацыі/ініцыятывы;
• падпісак на электронныя рэсурсы, неабходныя для вядзення праектнай дзейнасці арганізацыі/ініцыятывы.

Вы можаце падаць заяўку на на абедзве катэгорыі.

Перавага пры адборы надаецца тым заяўнікам_цам, якія за апошні год не атрымлівалі падтрымкі па той катэгорыі, якая апісаная ў дадзенай праграме і працягваюць працаваць з аўдыторыяй у Беларусі. 

Праграма доўжыцца паўгады, заяўкі будуць разглядацца кожны месяц.

Максімальная сумма падтрымкі: 300 еўра

Першы дэдлайн: 25 верасня ўключна.

Вы атрымаеце адказ на вашу заяўку на працягу 10 працоўных дзён пасля дэдлайна. 

Да разгляду прымаюцца поўныя заяўкі, адказвайце на пытанні разгорнута і падрабязна. Колькасць месцаў абмежаваная.

Па ўсіх пытаннях пішыце на info@rada.fm