Стыпендыяльная праграма ў Германіі
RAZAM e.V. запрашае падаць заяўку для намінацыі да ўдзелу ў стыпендыяльнай праграме „Hilde Domin-Programm“ на зімовы семестр 2026/2027 года ў магістратуры ці дактарантуры.
Праграма падтрымлівае студэнт_ак і дактарант_ак, якім у іх краіне паходжання фармальна альбо фактычна адмаўляюць у праве на адукацыю з-за іх этнічнай, сексуальнай, гендэрнай ці рэлігійнай ідэнтычнасці альбо іх палітычнай і грамадзянскай актыўнасці, і дае магчымасць пачаць альбо працягнуць навучанне ў Нямеччыне.
❗️Тэрмін падачы заяўкі – да 1 верасня 2025 года.
Важныя крытэрыі:
- – Вы павінны быць паўналетнімі на момант намінацыі.
- – Апошняя ўніверсітэцкая ступень не павінна быць атрыманая больш за шэсць год таму.
- – Вы павінны знаходзіцца па-за межамі ЕС.
Працэс падачы заяўкі:
- 1. Запоўніце анлайн-форму для першаснай верыфікацыі
- 2. Пасля верыфікацыі Razam e.V. намінуе вас для ўдзелу ў праграме DAAD.
- 3. Калі заяўка пройдзе на наступны этап, з вамі звяжацца наўпрост DAAD.
Паводле https://t.me/by_fem_mig