Акадэмія беларускай дыпламатыі запрашае
Праграма Кампуса палітычнай навукі сумесна з Фондам Фрыдрыха Эберта (Regional Security Edition) запрашаюць у Акадэмію беларускай дыпламатыі. Гэта адукацыйны курс, прысвечаны пытанням рэгіянальнай бяспекі і ролі Беларусі ў сучаснай геапалітычнай архітэктуры.
“Мы фармуем новае пакаленне экспертак і экспертаў, якія глыбока разумеюць міжнародныя працэсы, умеюць працаваць з даследчымі метадамі і здольныя ператвараць веды ў аргументаваныя аналітычныя высновы”.
Узяць удзел могуць маладыя беларус_кі да 30 гадоў, якія цікавяцца міжнароднымі адносінамі і бяспекай, а таксама імкнуцца развівацца ў сферы аналітыкі, міжнародных адносін або публічнай палітыкі.
Эдыцыя 2026 года прысвечаная рэгіянальнай бяспецы і ролі Беларусі ў сучаснай геапалітычнай архітэктуры.
Гэта праграма, дзе тэорыя сустракаецца з практыкай: ад працы з вядучымі экспертамі і эксперткамі да ўдзелу ў рэальным даследаванні пра ролю Беларусі ў рэгіянальнай палітыцы бяспекі.
Вы навучыцеся аналізаваць міжнародныя працэсы, працаваць з экспертнымі інтэрв’ю і фармуляваць уласныя аналітычныя высновы.
Неабходны ўзровень ангельскай — не ніжэй за В2.