Праграма ArtPower Belarus запускае конкурс на Трэк 3. Праекты ў асаблівых абставінах
Адкрыты прыём заявак на Трэк 3 у межах праграмы ArtPower Belarus. Гэта конкурс культурніцкіх праектаў для беларускіх творцаў і ініцыятываў, якія сутыкнуліся з форс-мажорнымі ці складанымі абставінамі: рэпрэсіі, страта фінансавання, вымушаная эміграцыя, праблемы са здароўем і іншыя непрадбачаныя сітуацыі.
Што такое Трэк 3?
Трэк 3 створаны для культурніцкіх праектаў заяўнікоў, якія апынуліся ў складаных жыццёвых або прафесійных умовах: рэпрэсіі, вымушаная эміграцыя, страта фінансавання, немагчымасць перанесці важную падзею або паездку.
Хто можа падавацца?
На грант могуць прэтэндаваць:
- рэпрэсаваныя творцы (вызваленыя не пазней, чым за год да падачы заяўкі);
- аўтары, якія страцілі працаздольнасць (на працягу апошніх 12 месяцаў);
- вымушаныя эмігранты (на працягу апошняга года);
- аўтары і ініцыятывы, якія страцілі фінансаванне (не пазней чым 3 месяцы таму);
- Праекты і мабільнасці, якія немагчыма перанесці без шкоды;
- іншыя выключныя сітуацыі (з дакументальным пацвярджэннем).
Якія праекты падтрымліваюцца?
Падтрымка можа быць выкарыстаная для рэалізацыі невялікіх ініцыятыў, тэрміновых дзеянняў, мабільнасцяў (напрыклад, удзел у міжнародных імпрэзах, рэзідэнцыях, навучальных праграмах, даследаваннях), альбо завяршэння праектаў, што апынуліся пад пагрозаю зрыву. Памер фінансавання складае ад 1 000 да 10 000 еўра. Праекты могуць доўжыцца ад аднаго месяца да аднаго года. Падача адкрытая на пастаяннай аснове, а камісія збіраецца 1–2 разы на месяц у залежнасці ад колькасці заяў.
Сума і тэрміны
- Сума гранта: €1 000 – €10 000
- Тэрмін рэалізацыі: ад 1 да 12 месяцаў
- Падача: на сталай аснове
- Адбор: 1–2 разы на месяц у залежнасці ад колькасці заявак
- Старт праекта: не раней за 01.10.2025
Як падавацца?
Для падачы заяўкі неабходна падаць апісанне сітуацыі, абгрунтаванне тэрміновасці, план рэалізацыі з пазначэннем тэрмінаў і бюджэтам, а таксама дакументы, якія пацвярджаюць згаданую сітуацыю (спраўкі, спасылкі на публікацыі, заключэнні праваабарончых арганізацый і г.д.). Таксама трэба растлумачыць, чаму іншыя крыніцы фінансавання недаступныя.
Інфасесія па Трэку 3 адбудзецца 28 жніўня. Рэгістрацыя:
Што яшчэ важна ведаць?
Заяўкі ацэньваюцца наступным чынам: спачатку праводзіцца тэхнічная праверка і ацэнка адпаведнасці крытэрам, пасля чаго заяўка перадаецца на разгляд незалежнай камісіі. Нават пры тэрміновай падтрымцы, справаздачнасць з боку атрымальніка гранта з’яўляецца абавязковай.
Для даведкі:
Праграма ArtPower Belarus дзейнічае з 2022 года і накіраваная на развіццё беларускай незалежнай культуры ўнутры краіны і ў выгнанні. Яна рэалізуецца ў партнёрстве паміж Беларускай Радай культуры і Дацкім інстытутам культуры і фінансуецца Еўрапейскім Саюзам. Усе ініцыятывы ў межах праграмы, накіраваныя на ўмацаванне ролі беларускай культуры як інструмента ўстойлівасці, супраціву і трансфармацыі.
Кантакты і дадатковая інфармацыя
Падача заявак і дакументацыя
Пытанні можна дасылаць на пошту: info@artpowergrants.org
Сачыце за абнаўленням ў сацыяльных сетках праграмыі: Instagram | Telegram