Стыпендыя імя Віталя Сіліцкага. Дедлайн падачы 10. 03
Vitali Silitski Fellowship 2026 — магчымасць для маладых беларускіх даследчыкаў і даследчыц развіваць ідэі, натхнёныя спадчынай Віталя Сіліцкага!
Цэнтр новых ідэй адкрыў набор на стыпендыяльную праграму Vitali Silitski Fellowship — унікальную магчымасць для беларусаў да 35 гадоў паглыбіць свае даследаванні ў грамадска-палітычнай сферы, атрымаць экспертную падтрымку і стаць часткай аналітычнай супольнасці.
Што чакае пераможцаў:
- Інтэнсіўная Future Ideas School з лекцыямі ад топавых экспертаў (Майкл Макфол, Джэймс Ніксі, Хілары Брыфа, Рыгор Астапеня і іншыя)
- Двухмесячная стажыроўка ў даследчай камандзе Цэнтра новых ідэй
- Стыпендыя да 2000 €(брутта)
- Экспертная падтрымка ў распрацоўцы даследавання
- Публікацыя аналітычнага артыкула на платформе Банк Ідэй
Ключавыя даты (2026):
- Падача заявак 23 лютага – 10 сакавіка (да 23:59 па Мінску)
- Анлайн-школа Future Ideas School → 13–25 сакавіка
- Афлайн-частка + фінальны пітчынг → 26–29 сакавіка* (Варшава, логістыка за кошт арганізатараў)
- Стажыроўка → 6 красавіка – 5 чэрвеня
Хто можа падацца:
- Беларусы да 35 гадоў
- З досведам у акадэміі, грамадзянскай супольнасці, медыях або бізнесе
- Жывуць у краіне ЕС або Усходняга партнёрства (не ў Беларусі)
- Валодаюць англійскай мовай (лекцыі будуць на англійскай)
- Гатовыя да афлайн-сустрэчы ў Варшаве і поўнацэннай анлайн-стажыроўкі
Як падаць заяўку:
- Кароткі пітч даследчай ідэі (да 300 слоў) — ідэя павінна быць развіццём або працягам адной з канцэпцый Віталя Сіліцкага
- CV на англійскай (да 2 старонак)
- Матывацыйны ліст (да 300 слоў)
- Спіс публікацый (калі ёсць)