Школа палітычных кампаній. Дэдлайн 20.08
Офіс Святланы Ціханоўскай абвяшчае набор на Школу палітычных кампаній.
Школа палітычных кампаній — гэта адукацыйная практыкаарыентаваная праграма для тых, хто хоча больш эфектыўна дасягаць палітычных мэтаў.
Праграма школы арыентавана на тых, хто плануе дзейнічаць у палітычнай, грамадзянскай і інфармацыйнай сферах.
Арганізатары прапануюць практычнае навучанне, працу над уласнымі праектамі і ментарскую падтрымку.
Мэтай школы з’яўляецца падрыхтоўка актывістаў/-к, палітычных лідараў/-к і ўдзельнікаў/-ц ініцыятыў да эфектыўнай дзейнасці ў сферы публічнай палітыкі, інфармацыйных і палітычных кампаній.
Для каго: палітычныя і грамадзянскія актывісты/-кі; прадстаўнікі/-цы НДА, ініцыятыў і медыя.
Праграма будзе арыентавана на палітычныя кампаніі і палітычныя медыяпраекты: планаванне палітычных і інфармацыйных кампаній; палітычная камунікацыя і праца з медыя; інфармацыйныя войны і контрпрапаганда; стварэнне інфармацыйных прадуктаў; праца з аўдыторыямі.
Заяўкі прымаюцца да 20 жніўня.
📘 Фармат навучання:
- Навучанне будзе адбывацца ў анлайн фармаце на працягу верасня-кастрычніка;
– Штотыдзень увечары ў будзёныя дні, працягласць каля 1,5 гадзіны; - Анлайн-вебінары і практычныя заняткі з ментарам над уласнымі праектамі (медыяпрадукт або кампанія).
❗️Важна: заняткі будуць праходзіць у жывым фармаце з уключанай камерай і ўдзелам у дыскусіях. Усе ўдзельнікі будуць запрошаныя ў закрыты чат школы. Мы імкнёмся стварыць бяспечную і даверлівую прастору для навучання і супрацы, але ўдзел у школе можа ствараць дадатковыя рызыкі, таму просім удзельнікаў/-ц самастойна іх ацэньваць.
Праграма вебінараў (будзе дэталізавацца і дапаўняцца)
- Планаванне палітычных і інфармацыйных кампаній;
- Палітычная камунікацыя і праца з медыя;
- Інфармацыйныя войны і контрпрапаганда;
- Стварэнне інфармацыйных прадуктаў;
- Работа з мэтавымі аўдыторыямі ўнутры Беларусі ва ўмовах блакады.