БАЖ запрашае на МедыяКвіз пра журналістыку (дэдлайн — 21 жніўня)

Адкуль узяўся тэрмін «газетная качка»? Што ўкладалі ў першыя выпускі газет? Без чаго не можа працаваць ні адна рэдакцыя ў свеце? Калі сочыш за падзеямі і любіш гуляць у квізы — табе да нас!

Да свайго 30-годдзя Беларуская асацыяцыя журналістаў запрашае беларусаў і беларусак (і не толькі) на лампавы МедыяКвіз у Вільні.

Калі: 22 жніўня (пятніца) 2025 а 19:00.

Збірай каманду, РЭГІСТРУЙСЯ і правер свае веды пра медыі, журналістыку, мемы, фэйкі і ўсё, што круціцца вакол інфармацыйнага свету. 

Будзем рады ўсім, хто быў на першай гульні і, канешне, навічкам. Пераможцаў чакаюць прызы, а ўсіх удзельнікаў — крутая атмасфера!

Калі ў вас няма каманды — не бяда! Запісвайцеся, мы знойдзем вам каманду!

Удзел у квізе бясплатны, але абавязкова трэба зарэгістравацца.

Форма рэгістрацыі працуе да 12:00 чацвярга, 21 жніўня.

Запрашэнне вы атрымаеце на мэйл пасля рэгістрацыі.

МедыяКвіз праводзіцца Беларускай асацыяцыяй журналістаў. Нягледзячы на міжнародны статус, наша арганізацыя прызнаная лукашэнкаўцамі «экстрэмісцкім фармаваннем».