Белкульт: з 1990-х па сённяшні дзень

Аўтарскі курс Максіма Жбанкова распрацаваны як уводзіны ў беларускую культурную сітуацыю праз расповед аб найбольш значных  з’явах, трэндах, асобах ды артэфактах часоў незалежнасці. 

Белкульт пры гэтым разумеецца як комплексны механізм вырабу, распаўсюду і спажывання культурніцкіх прадуктаў, стварэння суполак і распрацоўкі мадэляў сацыяльнага дзеяння. Змены культурнага парадку разглядаюцца як вынік адмысловай камунікацыі паміж рознымі паверхамі культурнай індустрыі. 

Курс прапануе першасную арыентацыю ў прасторы нацыянальнай культуры праз вызначэнне і тлумачэнне базавых мастацкіх і светапоглядных рэсурсаў кожнага з дзесяцігоддзяў. Ён спрыяе лепшаму разуменню падставовых трэндаў незалежнага белкульту і ягонага супярэчлівага ўзаемадзеяння з дзяржаўнай культурнай палітыкай. Асобны блок прысвечаны крызіснаму перыяду 2020-2025 гадоў. Да канспекту па кожнай тэме далучаецца дэтальна прапісаны інфармацыйны блок.

* Адукацыйны курс быў распрацаваны ў рамках праграмы Belarus Beehive спецыяльна для платформы learn4belarus.online