Міжнародны вебінар пра прававое рэгуляванне валанцёрства – рэгістрацыя адкрытая
18 чэрвеня адбудзецца міжнародны вэбінар, прысвечаны еўрапейскаму досьведу і перспектывам прававога рэгулявання валанцёрства.
Гэтае мерапрыемства можа быць карысным для беларускіх няўрадавых ініцыятыў, грамадскіх аб’яднанняў і іншых асобаў, якія цікавяцца працэсам распрацоўкі ў Беларусі канцэпцыі Закона «Аб валанцёрскай дзейнасці» (стварэнне гэткай канцэпцыі прадугледжана афіцыйным планам заканапраектнай дзейнасці на 2026 год).
Вебінар пройдзе на платформе ZOOM 18 чэрвеня, пачынаючы з 17:00 па CET (гэта адпавядае 18:00 па мінскім часе). Дыскусія будзе праводзіцца на англійскай і рускай мовах з адначасовым перакладам.
Падчас вебінара эксперты з розных краін абмяркуюць міжнародныя стандарты і падыходы да прававога рэгулявання валанцёрства, прааналізуюць заканатворчы вопыт у гэтай галіне ў Нідэрландах і Арменіі, а таксама ранейшыя спробы заканадаўчага рэгулявання валанцёрства ў Беларусі ў 2019-2021 гадах, што цяпер зноў вяртаюцца на парадак дня.
Як заканадаўства можа больш эфектыўна падтрымліваць валанцёрства? Які міжнародны досвед у гэтай сферы можа быць карысным сёння? Якія ёсць прыклады добрых і няўдалых палажэнняў у замежных законах аб валанцёрстве? Удзельнікі даведаюцца больш пра юрыдычныя падыходы, якія зараз актуальныя, і пра прапановы, накіраваныя на ўмацаванне валанцёрства і добраахвотнай працы шляхам стварэння эфектыўнай і спрыяльнай прававой асновы для валанцёрскай дзейнасці.
Запрашаем далучацца да дыскусіі некамерцыйныя арганізацыі, валанцёрскія ініцыятывы, экспертаў-юрыстаў і ўсіх, хто цікавіцца будучыняй валанцёрства ў Беларусі.
Экспертамі на вебінары выступяць прадстаўнікі Еўрапейскага цэнтра некамерцыйнага права (ECNL), Lawtrend і Transparency International – Арменія.