Фандрайзінг для грамадска-культурніцкіх праектаў: гранты, КСА, краўдфандынг

Серыя відэалекцый для дзеячаў культуры і грамадскага сектару: гранты, краўдфандынг і супрацоўніцтва з бізнесам праз КСА. Сістэматызуйце свой досвед, разбярыце мінулыя памылкі і атрымайце інструменты, якія працуюць.

Курс створаны для тых, хто ўжо мае досвед рэалізацыі праектаў, але хоча ўпарадкаваць веды, адладзіць працэсы і зразумець, чаму папярэднія заяўкі, партнёрскія прапановы або зборы не атрымалі падтрымкі.

8 відэалекцый на рускай і беларускай мовах з разгорнутымі канспектамі, прэзентацыямі, дадатковымі матэрыяламі і кейсамі з рэальнай беларускай практыкі.

Тры тэматычныя модулі:

• Грантавы фандрайзінг для грамадска-культурніцкага праекта;
• Супрацоўніцтва з бізнесам праз КСА на прыкладзе Польшчы;
• Краўдфандынг для культурніцкіх праектаў.

Лекцыі і дадатковыя матэрыялы – ад беларускіх практыкаў з рэальным досведам: Аліна Яблонскі, Вераніка Шэнда, Зміцер Ягораў. 

Як працаваць з курсам:

Курс адкрываецца паступова: новая лекцыя з'яўляецца кожны чацвер, з 25 чэрвеня па 13 жніўня 2026 года. Глядзець можна ў любы час пасля выхаду, у сваім тэмпе.

• Крок 1: Глядзіце відэалекцыю.
• Крок 2: Паглыбляецеся ў тэму – вывучаеце прэзентацыю, канспект.
• Крок 3: Прымяняеце новыя веды – выконваеце практычныя заданні пасля кожнай лекцыі.
• Крок 4: Праходзіце тэст-самаправерку.

Усе матэрыялы курса можна спампаваць і карыстацца імі у працы над будучымі праектам.

Адукацыйны курс быў распрацаваны медыя-ініцыятывай sekktor спецыяльна для платформы learn4belarus.online.