Міжнародная навучальная праграма для маладых работнікаў культуры
У маі 2026 года ў Тампэрэ (Фінляндыя) стартуе міжнародная навучальная і стажыровачная праграма «Святло ў 2026 годзе: пераасэнсаванне дэмакратыі», скіраваная на работнікаў культуры і сацыяльна-культурнай сферы ва ўзросце да 35 гадоў.
Праграма прызначана для спецыялістаў, якія працуюць з супольнасцямі і тэмамі ўдзелу, дэмакратыі і культурных практык — у культурных цэнтрах, НДА, арт-прасторах і грамадскіх ініцыятывах. Абавязковай умовай з’яўляецца падтрымка з боку арганізацыі, у якой працуе ўдзельнік.
Даты правядзення:
- 4–8 мая 2026 года — навучальны модуль у Тампэрэ
- Лета–восень 2026 года — абмен з партнёрскай арганізацыяй у Еўропе
Праграма ўключае:
- Пяцідзённае навучанне ў Фінляндыі
- Дыскусіі і практычныя заняткі пра ролю культуры і творчасці ў ўмацаванні дэмакратычных каштоўнасцяў, працы з рознымі пунктамі гледжання і канфліктамі
- Майстар-класы, сустрэчы з экспертамі і наведванне мясцовых ініцыятыў
- Сямідзённы абмен з еўрапейскай партнёрскай арганізацыяй
Умовы ўдзелу:
- Навучанне, пражыванне і харчаванне падчас семінара забяспечваюцца арганізатарамі
- Выдаткі на праезд пакрываюцца для арганізацый — чальцоў ENCC; для астатніх удзельнікаў іх аплочвае накіроўваючая арганізацыя
- Частка выдаткаў на міжнародны абмен кампенсуецца
Дадаткова:
- Сесія пытанняў і адказаў адбудзецца 15 студзеня ў 15:00 (CET)
- Канчатковы тэрмін падачы заявак — 23 студзеня