Шосты Летнік Разнастайнасці – дэдлайн 28 ліпеня
Праваабарончая ініцыятыва “Журналісты за талерантнасць” (J4T) запрашае на Летнік Разнастайнасці! Гэта ўжо шостая афлайн-магчымасць даведацца больш пра правы чалавека, ксенафобію і недыскрымінацыю.
Гэтым разам Летнік адбудзецца 28 жніўня – 1 верасня 2025 бліз Варшавы, Польшча.
Для каго Летнік?
Місія J4T – спрыяць культуры талерантнасці ды інклюзіі ў беларускім грамадстве праз мову і камунікацыю. Таму на летнік мы запрашаем тых, хто працуе ў галіне распаўсюда інфармацыі:
- журналіст:ы ды рэдактар:кі
- блогер:ы ды інфлюэнсер:кі
- вядоўц:ы шоў ды падкастаў
- пісьменніцы ды пісьменнікі
Таксама да ўдзелу запрашаюцца квір-актывістак ды актывістаў.
У праграме
Чатыры насычаныя дні нефармальнай адукацыі, цікавыя фарматы, інтэрактыў і актыўны ўдзел. Вы зможаце:
- паглыбіцца ў тэму правоў чалавека на базавым узроўні
- даведацца больш пра тэмы ксенафобіі, талерантнасці, уплыву стэрэатыпаў, стану ўразлівых групаў у грамадстве
- навучыцца бачыць праявы стыгматызацыі і дыскрымінацы ды даведацца, як пазбягаць іх у прафесійнай журналісцкай, пісьменніцкай ды актывісцкай дзейнасці
Падача заявак
Колькасць месцаў абмежавана. Для ўдзела ў конкурсе запоўніце гэтую форму да 28 ліпеня 2025 года ўключна.
Сярод іншага, у форме арганізатары просяць пакінуць кантакты прадстаўні:ц беларускіх медыа- і НДА, якія могуць цябе верыфікаваць.
Падчас Летніка арганізатары забяспечваюць харчаванне, пражыванне у двухмесных нумарах, выдаткі на транcпарт да Варшавы. Адабраныя ўдзельні:цы бяруць на сябе выдаткі на страхоўку на тэрыторыі Польшчы падчас знаходжання на Летніку. Дакладнае месца правядзення мы паведамім адабраным удзельні:цам.
Звярніце ўвагу:
- Удзел у Летніку магчымы з 18 гадоў.
- Мы чакаем поўнага ўключэння ў працоўныя працэсы Летніка.
- Арганізатары не аказваюць візавую падтрымку.
Пра вынікі адбора будзе паведамлена па пакінутых вамі кантактах 4 жніўня. Калі засталіся пытанні — пішыце на event@j4t.info