Праграма падтрымкі для вызваленых палітзняволеных і рэпрэсаваных беларусаў і беларусак
EU4Belarus — SALT (Support for Advanced Learning and Training) абвясціў чацвёрты раўнд праграмы падтрымкі для беларуса_к, якія пацярпелі ад палітычных пераследаў, страцілі крыніцу даходу ці магчымасць атрымання адукацыі.
У залежнасці ад статусу заяўнікі могуць адносіцца да адной з дзвюх груп:
– былыя палітычныя зняволеныя (LOT1);
– асобы, якія падвергліся палітычным рэпрэсіям (LOT2).
Для былых палітычных зняволеных статус павінен быць пацверджаны адпаведнымі крыніцамі і дакументамі.
Для асоб, якія падвергліся палітычным рэпрэсіям, неабходна прадаставіць дакументы або іншыя пацвярджэнні факта палітычнага пераследу і растлумачыць, як рэпрэсіі паўплывалі на магчымасць працягваць працу, навучанне або прафесійнае развіццё.
Праграма прафінансуе прафесійную адукацыю, курсы перападрыхтоўкі і падвышэння кваліфікацыі, моўныя курсы і іспыты, настрыфікацыю дыплома і інш.
Памер фінансавання: да 10 000 EUR. Тэрмiн падтрымкi: 6 цi 12 месяцаў.