Форма для падачы заяўкі на грантавую падтрымку праектаў, ініцыятыў і актывістаў ад BYSOL 2024
Фонд BYSOL абвяшчае прыём заявак на грантынг для актывістаў і грамадзянскіх ініцыятыў з мэтай падтрымкі іх праектаў, накіраваных на вырашэнне сацыяльна-палітычных праблем у Беларусі, дэмакратычныя змены і развіццё грамадзянскай супольнасці ў краіне.
Хто можа ўдзельнічаць?
– Беларускія арганізацыі, ініцыятывы і актывісты ў Беларусі, Літве, Польшчы, Грузіі і Нямеччыне (якія працуюць не больш за пяць гадоў), якія рэалізуюць праекты ў галіне ўмацавання грамадзянскай супольнасці, абароны правоў чалавека, дэмакратыі і культуры памяці. Тэрмін рэалізацыі праектаў ад 3 да 6 месяцаў (старт 1 лістапада 2024 года).
Якая сума падтрымкі?
Фонд BYSOL прадаставіць на конкурснай аснове падтрымку як мінімум 10 праектам на агульную суму – 62.000€. Як будуць размеркаваны гэтыя сродкі?
- Міні-гранты: праекты з бюджэтам да 5.000 €.
- Мідзі-гранты: праекты з бюджэтам да 10.000 €. Ініцыятывы і актывісты, якія маюць досвед паспяховай рэалізацыі папярэдніх грантавых праектаў (не абавязкова з праграмамі BYSOL)
Што можа быць падтрымана?
– Праекты, накіраваныя на ўмацаванне грамадзянскай супольнасці.
– Праекты, накіраваныя на абарону правоў чалавека.
– Праекты, накіраваныя на падтрымку сацыяльна-уразлівых груп насельніцтва Беларусі, якія пацярпелі ад рэпрэсій.
– Валантэрскія ініцыятывы, якія дапамагаюць рэпрэсаваным беларусам.
– Праекты, накіраваныя на развіццё дэмакратычных прынцыпаў і вырашэнне сацыяльна-палітычных праблем унутры Беларусі.
– Праекты, накіраваныя на працу з тэмай культуры памяці.
Асноўныя крытэрыі ацэнкі праекта:
– Адпаведнасць часавым межам рэалізацыі: працягласць праекта складае ад 3 да 6 месяцаў.
– Сфармулявана канкрэтная мэта, дакладна вызначаны мэтавыя групы і стратэгія дасягнення мэтаў. Абазначаны асноўныя задачы і вымерныя дасяжныя вынікі.
– Адпаведнасць тэматыкам, пералічаным вышэй.
– Вылучана мэтавая аўдыторыя і яе меркаваны ахоп.
– Бяспека: заяўнік дэманструе разуменне пратаколаў бяспекі і крытычна ацэньвае рызыкі, звязаныя з рэалізацыяй праекта.
Што рабіць, калі не ведаеце як “паспяхова” падаць заяўку на грантынг?
Вы можаце запісацца на наш трэнінг “Як атрымаць фінансавую падтрымку свайго праекту?”.
📍ШТО БУДЗЕ НА ТРЭНІНГУ?
– Даведаецеся, як вызначаць і апісваць праблему, якую будзе вырашаць ваш праект.
– Даведаецеся, як вызначыць вашу мэтавую групу.
– Зразумееце, як сфармуляваць мэту, задачы і вынікі праекта.
– Атрымаеце практычныя рэкамендацыі па стварэнні плана мерапрыемстваў праекта і складанні бюджэту праекта.
Трэнінг 1 кастрычніка (аўторак) і 10 кастрычніка (чацвер) а 19:00 паводле Менску. Зарэгістравацца тут.
‼️ Тэрміны падачы і разгляду заявак:
– Заяўкі прымаюцца з 15 верасня 2024 года па 15 кастрычніка 2024 года ўключна.
– Тэрмін разгляду заявак і абвяшчэнне вынікаў заяўнікам: да 30 кастрычніка 2024 года.
Як падаць заяўку?
Для падачы заяўкі на падтрымку праекта запоўніце форму ніжэй, дзе будзе неабходна прыкласці інфармацыю аб заяўніку, апісанне праекту і бюджэт.
ВАЖНА: Калі патрабуюць умовы бяспекі заяўніка – мы можам аказаць непублічную падтрымку. Для праектаў, якія рэалізуюцца непасрэдна ў Беларусі, падтрымка можа быць толькі непублічнай.
Калі ў вас з’явіліся пытанні па запаўненні заяўкі або вам патрэбная дапамога – напішыце ў наш тг-акаўнт: @bysol_initiatives.